ملخص الي قالو منتصر البارح في حنبعل

منتصر الوحيشي : مامشيتش لفرنسا نلوج على مدرب وماناش نلوجو في مدرب

منتصر : الأجنبي الثالث بعد القروي و دجابو بش يكون مهاجم هدّاف مش بش نغلطو فيه المرة هذي

المشية لفرنسا كانت لمفاوضة زوز لاعبين أجانب و لاعب تونسي فقط مع امضاء شراكة مع سوشو و ليل و زيارة مركّب فيشي اللي يمكن يصير فيه تحضيرات الموسم القادم

منتصر الوحيشي قال أنّو مسلسل اليعقوبي انتهى بالفشل و عرض الافريقي كان ممتاز بشهادة اللاعب لكن دلي مصر يلعب البرّا و لذلك جبنا بالقروي لأنو منتصر قال في تونس ما فمّاش مدافعين في قيمة اليعقوبي هذاكة علاش أجنبي أكسيال يشوفو في قيمة اليعقوبي

و في خصوص عماد المنياوي قال الوحيشي انو لاعب ممتاز جدا و كان يسجّل 6 أهداف معانا كيما مع المتلوي هذا كافي و قال أنو المنياوي قال لمنتصر انّو يعرف روحو بنّاك و لكن كيف تبمبي الكرة تشوف عماد شيعمل

حسب ما فهمت من كلام منتصر الكبيّر بش يبقى مدرّب الموسم القادم لأنّو الغربلة و الانتدابات الكل باش تصير بالتّنسيق معاه