بدات الماكينة الإعلامية الفاسدة بنحت الإشاعات في ما يخص موضوع

بدات الماكينة الإعلامية الفاسدة بنحت الإشاعات في ما يخص موضوع

بدات الماكينة الإعلامية الفاسدة بنحت الإشاعات في ما يخص موضوع تجديد محمد علي اليعقوبي لعقده مع النادي الإفريقي ... كما ذكرنا قبل في Article تحت اسم "صحو لرجل يا أشباه الرجال !!" أن في الإفريقي مافيا وليس بمسؤولين ... فحتى مصلحة النادي لا يعيرونها اهتماما !! والدليل هذا المقال الصحفي الذي يريد يطيح بعلاقة أحسن مدافع في النادي وفي تونس وجماهير النادي الإفريقي ... 

الخبر هذا ضاهر الهدف منه ؛) وخاصة في الوقت هذا بالذات ... !! المشكل إلي عقد الاعب ممضي من طرفه وملوح في أدراج مكاتب البحيرة ... ينتظر فالوقت المناسب بش يعلن على إمضاءو ( في صورة ما النادي يمر بأزمة نتائج ولا خبر فضائحي كما عودنا مسؤولين الفاشلين إلي في النادي ) من أكتوبر ليومنا هذا محمد علي قاعدين يبتزو في وكيل أعمالو إلي هو Clubiste قبل مايكون وكيل أعمال محترف !! وانسان متربي ونظيف واحنا لهنا نحكيو من باب معرفة بالراجل وليس دفاعاً على "تصديه " لمحاولات الإبتزاز إلي يقوم بها كل من المسؤول الأول على التعاقدات في النادي ! والحاشية متاعو منذ مدة لكي يتحكموا في صفقة اليعقوبي إلي وصلوا هدوه بلغة رخيصة وبهيمة إلي بش يبعثوه لمالطا ولا ليبيا كان ما يمضيش بشروطهم ! !! نحن نعرفو شنوا نحكيو لهنا !! و الناس إلي بدات معنا وتابع فينا تعرف مدى مصداقية الأخبار إلي نسوقوها في الصفحة متاعنا تنويراً للحقائق !! كي ماوصلوش لحل... بش يستعملوا أخر اسلحتهم !! هي الإعلام الفاسد إلي بش يحاولو يبدلو وجهة نظر جماهير الإفريقي في أكثر لاعب منضبط ومنتظم في المردود في النادي منذ 3 سنوات...وسبقها الإمضاء لسيف لحول بش يحطوا اليعقوبي تحت الضغط بما أن الوحيد إلي مازال ما أمضاش !!

سياساتكم فاشلة ونحن لها بالمرصاد يا طحانة !! الإفريقي أكبر من خمجكم !!

نجيو للمبلغ إلي خرجوه الصحافة الرخيصة متع 50 مليون في شهر !! من وجهة نظري الخاصة أنا ضد هلأرقام التي لا يستحقها حتى لاعب في تونس مش حتى في الافريقي لكن بعملية حسابية 50 مليون في شهر هي 600 في الموسم الواحد مابين 12 شهرية ومنحة إنتاج ومنحة إمضاء !! ياسر بصراحة ياسر في تونس هى الأرقام , لكن بش نفسر رغم انو الرقم كبير لكن العيفة يخو في 30 وهو قاعد وحداد كيف كيف ودراجي الترجي ياخو في 45 ويانيك في 52 وحسين الراقد في 85 مليون في شهر !! نعود لليعقوبي خلينا نفترضو إلي لحكاية صحيحة ولهنا من مبدأ الاعبين لخرين في الإفريقي إلي ياخذوا في مبالغ مشابهة في إستراتيجية جنونية من رئيس النادي ... 50 مليون في شهر يعني 15 ألف دينار شهرية الباقي 400 مليون مابين منحة إنتاج و منحة إمضاء إلي تتنحا وقت تجديد العقود وإلا تعطى كى Avance من منحة الإنتاج ...

أنا على حسب علمي المشكل في عقد محمد علي مش قيمة الصفقة لكن في طريقة تسلم الأموال ؛) نتذكر الكلنا تصريح نبيل السبعي إلي قال إلي اشكال اليعقوبي بسيط وفي des Petites détails إلي نشالله بش نتجاوزوهم... المشكل إلي الطريقة المبتذلة إلي يستعملوا فيها هى المافيا بش تعود سلباً على تركيز اللاعب وعلى الفريق الكل وبالتالي علجماهير ونشالله ماتمسش النتائج !! مش وقتوا توا جملة وحدة !! لأنهم وكل أسف ميحبوش الناي الإفريقي وما يعرفوش يتعاملوا ولا ياخذوا القرارات المناسبة في الوقت المناسب !! نشالله ربي يقدر الخير ونشالله ربي يهدي قبل ما يفوت الفوت !!